روعة القصيد مع دايم السيف من قصائد خالد الفيصل

[*A*&الغريب&*A*]

روعة القصيد مع دايم السيف كل قصائد خالد الفيصل

قصائد متنبي العصر دايم الشعر وخالده .. دايم السيف .. خالد الفيصل ..



ليه إذا ....

حبيتك أكثـــر زدت قســــوه ؟؟
وإن دريت بحاجتي لك زدت جفــــــوه

وإن عطيتك مـــــن حياتي ما تريـــــده
ماكفاك .... وتحسب إن الحب نــــزوه

والله إني يا أحـــب النـــاس أحبـــــك
والله ان الروح لو ترضيك... فـــــــدوه

والله إني تــاركٍ غـــيرك وجيتـــــــك
مزعل الزعلان ... والعذال عنــــــــــوه

وكــل هـــاجس ما يجيب إلا خــــيالك
سلوتي بالعمر ... في صحوه وغفــــوه

أجمع إحساسي وأشواقي وأجيلــــك
وألبس ثياب الهوى والعشق كســـــوه

وأنتقي لك من سواليفي حسنــــها
والقصايد مـــــن غزلها كــل... حـــــــروه

وأنثر العبرات والضحكات عندك
او أقول إني أحق الناس... فضـــــــــــــــــو ه

أدري إني عادي مافيـه... مــيـــزه
وأدري إني كادح مـاحـــاش ... كــــــــروه

وأدري إني في خريف العمر ماضي
مابقى بيــــني وبين القـــــبر... خطــــــوه

لكن إني صـــادقٍ في... ما أقولـــه
وأطلب من الله عــن الزلات عفــــــــــــوه







زانت حياتي
زانت بحبك ياحياتي حياتي ..
من عقبكم صفوي تكدر عليه ..
يا دعوتي بأول وتالي صلاتي ..
ويانيتي مادام بالحب نية ..
وياحلم صحواتي وغفوة مباتي ..
ويارغبتي من بين كل البرية ..
أحاول أجمع في غيابك أشتاتي..
بعضي معك عيا يفارق خوية ..
أرواحنا بالحب متعانقاتي ..
وقلوبنا بالشوق والوجد حية ..
وشلون تقوى سيف زينك عصاتي ..
يابو عيون كلها جاذبية ..
خذ من حبيبك كل عمري وهاتي ..
بلسم جروحي ياحبيبي عطية .





غالي الاثمان
ياغالي الأثمان غلوك بالحيل
من يوم سموك جميل المحيا
شخص تمنيته على العدل والميل
والحمدالله يوم خلي تهيا
أشبهه باللي عسيف من الخيل
تلعب وانا حبل الرسن في يديا
اورق غرامه مثل غرس على سيل
مشهات قلبي يوم جاني شهيا
اعن له عنة هل الكيف للهيل
ماذاق راعي الكيف ذقته هنيا
حبه سرى بي سرية الغيم بالليل
نسيم ليله قال للشوق هيا



في غربتي

في غربتي ، عارضت أنا ركب الأغراب
أشد .. وأنزل .. والليالي ركايب

أضداد .. وأقران وعدوان .. وأصحاب
متناقضات الخلق .. ماغاب غايب

أسهر معا تهويم نجمات الأحباب
حتي يصير النجم بالصبح ذايب

أصبح على فجرٍ ضحوكٍ .. وعجاب
وأمسي على همسات ، ستر العجايب

وقامت تجاذبني على درب .. الأسباب
نفس الشباب .. يحدها عقل شايب

مشيت في رمضا .. وسنّدت بهضاب
وعارضني سيولٍ ، وهبّت هبايب

وأمسيت في صحرا .. و قيّلت في غاب
ومن طاول الغربات ، شاف العجايب



مرتني الدمعه ، بها الوجد ماذاب
في غربة الأشواق ، راحت هبايب

مرتني البسمه ، تقل فوقها حجاب
وراك خجلي يارسول الحبايب ؟



والحب.. مريته غريبٍ على باب
عقب القصور .. أمست بيوته خرايب

بغيت أسلي خاطره .. عقب ماشاب
لقيت ماله بالتسلي طلايب

أقفى مع المقفين .. وجلٍ ومرتاب
على عقوق الوقت ، بالحيل عايب


في غربتي .. مريت رجلي وركاب
أرزاق .. من رب الخلايق ، وهايب




سريت..
ليل الهـــــــــــوى ..



سريت ليل الهوى لين انبلج نوره

امشي على الجدي وتسامرني القمرا

طعس وغدير .. وقمر .. ونجوم منثوره

وانفاس نجدٍ بها جرح الدهر يبرا

يا نجد الاحباب لك حدر القمر صوره

طفلة هلالٍ وبنت اربع عشر بدرا

حبيبتي نجد عيني فيك معذوره

معشوقة القلب فيها للنظر سحرا

فضة شعاع القمر في نجد مسحوره

من شاف لمعة قمر في خدةٍ سمرا


من بنات الريح ..



من بنات الريح لي صفرا جفول

كنها ظبي الفلا بجفالها



منوة الخيال عساف الخيول

زينها في دقها وجلالها



زينها ما شفت وصفه بالمثول

الله اللي بالجمال اصخى لها



تستذير كحيلتى من كل زول

ما يصخرها سوى خيالها



اذكر الله كل ما قامت تجول

و احمد الله خصنى بحبالها



كنها تمشي على قرع الطبول

فتنى اللي خافقه يبرى لها



ظافي القصه على الطرف الخجول

تنكسر شمس العصر بظلالها



وصفها وصف السحاب اللي يحول

كل عين تستخيل خيالها



او كما طاري على الخاطر عجول

صاحبه حقيقته ما طالها



كل رجل في حياته له ميول

والهوايه تمتلك رجالها

[*A*&الغريب&*A*]

بنت الكحيله ..


بنت الكحيله مهــرتي

وخيالتي من كل اصيل

ألقى عليها طربتي

بين المعنـــــــق والشلــــــــيل

صدر وقطاة فلـــوتي

العنــــق والســـــاق الطويــــــــــــل

وقع الحـــوافر نغــــــمتي

وحــــداتنا رجـــــــع الصهيـــــــل

أبوي وجدي قدوتي

لو ما لهــــم عنــــــــــدي مثيل

بالدين تفخر عزوتي

والرمح والسيف الصقيل

ماكر حرار ديرتي

ما في هل العوجا ذليل





الونه

أون ورياح الليالي توني...والبرد في جوف كما الغار خاوي
ماكن لي عقل ولا قلب كني....جذع وقف في وجه الأيام ذاوي
.........
بي عبرة محبوسة تمتحني....في عيني وقلبي وصدري شكاوي
وبي من قديم الوقت جرح مكني ......وبي من جديد أيام وقتي مكاوي
إن قلت زانت خالف الوقت ظني ....وإن قلت هانت عاجلتني بلاوي
..........
أجامل أيامي ولا جاملني......هامت بي الدنيا هيام الخلاوي
والوقت جاير والليالي أسهرني.........والحز ن ما بين الضلوع امتلاوي
اون وكل يحسب اني اوني ....عليل وكل يحسب إني مداوي




يمدور الهين

يمدور الهين ترى الكايد احلى

واسال مغني كايدات الطروقي

الزين غالي لكن الأزين اغلى

ولكل شراي بضاعه وسوقي

النو عالي والسما فوقه اعلى

ولا فاق علم جاه عالم يفوقي

والصعب هلا قلت الصعب سهلا

دامك تبيني فأنت ياصعب شوقي

أحب عسف المهره اللي تغلى

وأحب اروض كل طرف يموقي

وأحب اسافر مع سحاب تعلى

وأحب فوق الغيم امع البروقي

وأحب اساهر بدري اللي تجلى

وارسم شعاع الشمس عند الشروقي

يا من على ثاير فوادي تولى

خلك على قلب الكرامه شفوقي

اكرم عزيز بالعمر ماستذلا

يسوق عمره للمشاريف سوقي

اخترتك من الناس للقلب خلى

يا حيثك مرادي وكيفي وذوقي

ما رحت ادور كل زول تحلى

لولاك ماتسوى ماعطيتك خفوقي

لو يبور الملا ماأحسب حبيبي يبـور
و أحسب إني أموت ولا يموت iiالوفى


و أحسب إنه على هاك المودة iiغيور
ماأحسب إن الشعاع اللي بقلبه iiطفـى


كيف يا نور عيني و إنت للعين iiنـور
يختفي نور وصلك في ظلام iiالجفـى


أثر قلبك على فرقا الولايف جُسـور
وأثر طرفك إلاَ سِهرت عيوني iiغفـا


وين هاك الونين اللي يشقّ iiالصـدور
وين هاك الدموع اللي تشـقّ iiالصفـا


كـل حـيٍّ إلاَ دارت ليالـه iiيـدور
و كل قلبٍ إلاَ عفّـت عروقـه iiعفـا


ويل قلبٍ توالت فوق جرحه كسـور
كن جرح الهوى ياصاحبـي iiماكفـى


ألتمس لك عذر لو كان ما أنت معذور
و إن جحدت المودة بان لك ما خفـى



لك حق تزعل ثم لك حق iiنرضيـك
ما اقوى زعل حبيب قلبي iiوعينـي
ما دام قلبي ياريش العيـن iiمغليـك
اطلب ولك روحي وما في يدينـي
لا تنشغل مالـك وزيـنٍ يضاهيـك
ابيك أنا لـو كـان غيـرك iiيبينـي
يوم الله احسن صورتك خصني فيك
فيك الجمال وصادق الحـب iiفينـي
شعري يزين بوصف زينك iiوطاريك
والأرض من ممشاك فيها iiتزينـي
اول غناتي صوت الأشواق iiيدعيك
واخر غناتي شق صـدري حنينـي


حدر القمر ..

حدر القمر صوّت لخله وناداه
ثلاث مرات وبالرابعة ون

حدر القمر يا ما همس له وناجاه
وعيونهم ياما بنوره تلاقن

والبارحه عدا على الذيب بعواه
واقفت ظنونه بالليال يتعادن

مرٍ حوالينه ومرٍ تعداه
ومر تضاحك له ومر يتباكن

هذي سواة اللي عن النوم قزاه
طيف الحبيب اللي على خاطره عن

ان شافت عيونه جمال تمناه
وان صوت القمري لصوت الهوى حن

الجارحه تجرح وتسري وتنساه
وجروح مجروح الليالي تساقن

والخافيه طعنة زمانه تمثناه
والبينه عنها عيونه يبوحن

[*A*&الغريب&*A*]

حنا العرب

حنا العرب يــــا مدعين العروبة
وحنا هل التوحيد وانتم له أجنـــاب

وحنـــا شروق المجد وانتم غروبه
وحنا هل التاريخ وأنتم به أغــراب

يوم الفقر شلتوا علينا عيوبـــــه
واليوم عقب النفط جيتوا لنا أنسـاب

ويوم الفقر فينــــا البداوة سبوبة
واليوم صرتوا مثلنــا بدو واعراب

لو الهوى منكم منعتم هبوبـــــه
لا شك رزاق الملا رب الأربــاب

ولو المطر منكم منعتم صبوبـــه
لا شك رزق الخلق من عند وهـاب

جيش الحسد سقتوا علينا حروبــه
كل يبي يزرع على جسمنــا ناب

حرب على المحسن تراهـا عقوبة
بالله عســـاكم ما تفيدون حراب

يا ما عطينــــا ما ندور مثوبه
إلا من اللي من ترجــاه ما خاب

ويا ما نصرنـا صاحب ضيقوا به
عاداتنا نقدم الى مالردى هـــاب

ويامـــا نصانا من تعثر دروبه
يدخل حمانا من تعذرة الأصحـاب

حنـــــا بنينا دارنا من طيوبه
وانتم سلبتوا داركم كل ما طــاب

الله سقانا من بحرنــــا عذوبه
وانهاركم مثل البحر هدر تنسـاب

حنا زرعنا الحب بارض خصوبه
وانتم زرعتوا كره الأجيال بتراب

وحنــا دعينا السلم نوبه ونوبـه
وانتم حمــام السلم بعتوه بغراب

يا من دعا للحرب ما درك خطوبه
لا تحسب أن الحرب تهديد وخطاب

من شب نار الحرب يصلى شبوبه
ومن ثور الفتنة تعرض للأسبـاب

ما يستر الرجــال ملبوس ثوبه
الدين وافعال الكرامــة له ثياب

ما يقبل الرجال بحمـــاه حوبه
مـــا دام له حق وللحق طلاب



الذاهبة


يالـمـعـرفـه يـاما ســعـــيــت
ادّورك وانــــت شــرود
امشي واصوت بالحياة ... يامن لقيت الذاهبه

دخــلت ادور كـل بـــيـت
وظـهـرت ادّوج بــالــنّفـود
واسأل مراكيب الزّمان ... الشارقه والغاربه

ولـــــســــــا ري الـــنّـــجـــم ـــه ســــــريــــــ ت
لـــــــعــــــ ــل نـــجــــمــــاتــــ ي تـــــــجــــــ ــودْ
يا شاهدةْ سرّ الزمان ... عطيني سـرّ الغايبـه

ســــــافــــــ ـرت لـــلـــبـــعــ ــد ومــــشــــيـــ ــت
اتــــــبــــــ ـع فــــوانــــيــ ـــس الـــــــوجــــ ـــود
وازور واحات القلم ... عنـد العجـم والعاربـه

عــــــــــــوّ دت لــــلــــحــــ ـرف وقــــــريـــــ ــت
أبـــــــــــــ ي مـــــــــــــن الـــكـــلــــم ــــه iiردود
لقـيـت كـتّـاب الـفـلاه ... تـطـرد نـيـاقٍ هـاربـه

يــالــمـــعـــرفـــ ه دونــــــــــــ ـك غــــــديــــــ ـت
والــــحـــــد مــــــــــن فـــــوقـــــه حــــــــــدود
والمدّعين المعرفه ... أجهل من اللـي iطالبـه

أبــــعـــــد مـــــــــن أيـــــامـــــي مـــشـــيــــت
والــــحــــمــ ـــل بـــالـــكـــاهِــــ ل يـــــــــــــز ودْ
رِجـلٍ تورّدنـي خطـر ... ورِجـلٍ تـأخـر هايـبـه

لله تـــــــوجّـــــــهـ ـــــــت ودْعـــــــــــيــــ ـــــــت
الــــخــــالــ ـــق الـــــــفـــــ ــرد الـــــــــــــ ـودود
يدّلـنـي درْب الـرشـاد ... درْب العـبـاد التايـبـه



فدوة عيونك

فدوة عيونك لو غدت روح مغليك

وش عاد لو راحت لعينك عشاير

أبيع مايغلى على الكون واشريك

واسوق لى جتني علومك بشاير

وازعل جميع الناس بالحيل وارضيك

واصبر ولو دارت عليّ الدواير

واخذ من ايامي لك أيام واعطيك

وان راح عمري لك فلا هو خساير

أحب أنا شوفك وصوتك وطاريك

دايم وفكري فيك هايم وحاير

بالصمت أهوجس بك وبالصوت أناديك

والله عليم البينه والسراير

أنا وقلبي والهوى بين أياديك

عندك مفاتيح الهنا للضماير

من روحي آحبك ومن روحي أفديك

يامن غرامه والحسن فيه ثاير

[*A*&الغريب&*A*]

في سحــــــــابه ..


في سحابة ..

على متن التمني

شفت عمري

خيال في سحابه


يا ذهابه ..

تعدى ما ارجهن

كن عامه

نهاري يا ذهابه ..


من غدا به

ربيع العمر مني

حسبي الله

على وقت غدا به ..


إلتوى به

رجا قلبٍ يونِ

ويل قلب تعلق والتوى به


في شبابه ..

حبس نشواه عني

ما تهيا لذيذه في شبابه


ذا صوابه

عقب ما هو طعني ..

لو نسيته يذكرني صوابه


من هقابه ..

يخيب كل ظني

واعذاب الخفوق اللي هقابه


رد بابه ..

زماني وامتحني

يوم ثور عجاجه

رد بابه


يا ربابه ..

على المسحوب غني

من قصيدي

بكى قوس الربابه .


ساعة الفرحة ..

يا ساعة الفرحه تشوقت للعيد
عيد العيون وعيد قلب الصبابه

رد الجمال لشوفتي يا اتلع الجيد
واسحب على حرفي لحون الربابه

حرفي بصوتك يا اجمل الصوت تغريد
يا رمز حبي هاك رمز الكتابه

يا صبح عمر فيك للعمر تجديد
وحبك يجدد كل يوم شبابه

للعين والقمرا وحسنك مواعيد
وليل الهوى شرع للأحباب بابه

ياما زعجت الصوت باسمك تراديد
وياما نسيم الوجد يمك سرابه

وياما تمنيتك على باقي الغيد
واقول مثلك يا غلا الروح ما به

ابيك تهوى مثل ما اهواك وتزيد
يا من خفوق القلب حسنك غدا به

يا قطرة الغيمه على يابس البيد
رد الحياة لخافقي يا ذهابه



سمرت ..

سمرت بصحبة حروف القوافي
احملها تناهيت خوافي

اشكل بالحروف الوان صوره
احركها من المعنى بصافي

اشيل الحرف من معنى لمعنى
واجاري ما ظهر واظهر بخافي

والى منى عطيت الحرف ونة
بها حرفي على النجمات طافي

يقوم كل نجم من منامه
أنا ما نيب اسامر نجم غافي

يجيني كل نجم منه معنى
ولا قد قلت للنجمات كافي

تصور لي دموع وابتسامه
من عيون تقصوت ما تشاف

ألا يا نجم يا عالي تبصر
شف بعين المحبه عين وافي

وخبرني عن علومه وحاله
عسى قلبه مع الأشواق دافي

ولو ممشاي في جمر يفيده
مشيت بجمرها كنه عوافي

ولكن وش يفيده لو ذبحني
ومن يوصف جماله عقب قافي


ساري الهاجس ..

ساري الهاجس حضرني وشلت لحونه
كل ما غنيت صوت يرد ثاني

كل شاعر تستضيف الخيال عيونه
ما ينام الليل من هاجسه سهران ِ

كل نجم ساري يستهيض شجونه
واعذاب الشاعر المغرم الولهانِ





لا يطول غيابك ..

لا يطول غيابك ثم اخذ عليه
لو تخليت عني عنك قلبي تخلى

العذر والتعلل والحكي ما نبيه
من تحرك فواده بالهوى ما تغلى

طبعي الصبر لكن وش عليه ارتجيه
من طويل الصبر يعقوب وايوب ملا

دامني حي عطني وش بقى نحتريه
ما ابي دموعك اللي عقب موتي تهلا

ما بقى بالعمر مقدار ما راح فيه
كل ما زل يومٍ يوم بالعمر ولى

ما يعرف الجمر مثل الذي يكتويه
احد يدفا بناره واحد فيه يتصلى

يا من القلب حطيته براحة يديه
ما رضى له مكان غير كفك محلا

كم تعذر وعيا عن هوى مهتويه
لين طاح بيمينك بالغرام وتجلى

[*A*&الغريب&*A*]

ياسائليني؟

يا سائليني ليه غابت حروفي
ما باقي إلاّ نازفات الرعوفِ

الحرف ينزّف والمعاني شهيده
سطا بها وقت الجهل بالسيوفِ

تراجع العقل والعلم والكرم
وتقدّمت رجل الجهل والكفوفِ

كلٍ لقى له في هوى النفس متعه
ساد الذهب والجيّد الّلي يحوفِ

أقولها ولي بالأيام خبره
قلّبتها وقلّبتني ظروفي

نقلتها ثلاثْ وسنين حجّه
يومٍ حزين ويوم تقرع دفوفي

كل يموت وطيّب الذكر باقي
خطلان الأيدي مكرمين الضيوفِ

سلّم على الّلي كل ما زاد حمله
شال الحمول وقدّمته الصفوفِ

هذا على غيره من النّاس يفرق
كريم نفسٍ بالمراجل ينوفِ

حطه على يمناك لي صرت ضايق
ماهوب عن حوض المنايا عزوفِ

يعجبك بالحضره ويعجبك غايب
ويعجبك إذا كثرت عليك الصدوفِ


غـريـب والله

غـريـب والله يـا حبيبـي هـوانـا
نستعذب الأشواق ما نطفـي الشـوق

شـوقـي وشوقـك هايمٍ في سمانـا
في ناظري حيره وفي ناظرك مـوق

نطـرد سرابٍ في صحاري ظـمانا
لا فيـه ميـرادٍ ولا حاصـلٍ ذوق

يـومٍٍ يـبعّدنـا ويـومٍ دعـانـا
ويـومٍ يلبّسنا خيال الهـوى طـوق

طيـفٍ يرغّـبنـا وطيـفٍ نهـانـا
فوق الثرى نمشي وحلم الهوى فوق

خيالنـا من كـل نبعٍ سقـانـا
وأيامنا تسوق عبراتنـا سـوق

ميعادنـا عند التمنّـي نسانـا
وظروفنا تزرع على دربنا عوق


يا صقر

يـاصـقر و اهـنـيك لــك جـنـاح تـطير
لـى طـرى لك نزعت وطرت يم الهوا

بـيـن قـلـبي وبـيـنك فـرق والله كـبير
لـى كفخت انطلقت ولى كفخت التوى

انــت حـايم وانـا بـالقاع دوبـي اسـير
فـي صـحاري زماني ذيب ليلي عوى

فوق جوك سحاب وحدر جوي هجير
الـقدم فـوق رمـضا والـخفوق التوى

الـحـذر يــا صـقر لا يـشبكونك اسـير
ويــل صـقـرٍ يـتـله مـربطه لـى نـوى

بـرقـعته الـلّـيالي فــوق وكــرٍ قـصير
عقب صفقه جناحه بالهوا لى اهتوى

كـل حـرٍ الـى ضـاق انـتهض لـلمطير
حـومـتـه بـالـسما سـاعـة لـقـلبه دوا

واعــذاب الـجناح الـلّي يـجره كـسير
كّـلـما فــزّ مـكسور الـنواهض هـوى




ياقلب

ياقلب لاتجزع لما سووّه

الله كريم يعدّل الميله

من شال درع الصبر ماطالوه

الصبر مضمونه محاصيله

الّلى لقينا قبلنا لاقوه

ياما كريم ظلم في جيله

ترى صليب الراس لو حدوه

ماينثني لى عالت العيله

يالعن ابو رجل إلى ضدوه

مايرتكي للحمل ويشيله








لاتقول أن الليالي

لا تقول ان الليالي فرقتنا
لا تقول ظروفنا عيت علينا

الليالي يوم ودك جمعتنا
يوم ودك كل شي في يدينا

ياسقى الله ليلة بك عرفتنا
في شعيب شهار عن غيرك سلينا

من مغيب الشمس حتى طالعتنا
عن هل الدنيا نزعنا واعتلينا

ليلة العشاق والله وردتنا
مارد ذقناه لكن مارتوينا

ليتها .. ياليتها ماودعتنا
ليت ذاك الليل ماراح وسرينا

يوم هملنا الليالي .. هملتنا
كيف تعطينا وحنا ماعطينا

الليالي عن هوانا مانهتنا
البلى حنا على البعد انتهينا

[*A*&الغريب&*A*]

خذاك الزمن


خذاك الزمن مني
و ترك لي أشواقي
ليته خذا ذكراك من كل أوراقي
الله على وقت مضى
فيه الرضا
فيه العيون
تعانق أحباب العيون
فيه الخليل
اللي على خلّه يمون
حتّى الظنون
ما تختلف فيه الظنون
فيه الهوى نشوان
فيه ابتسامات الزمان
احكي الهوى
واشكي النوى
واساهر القلب الأليم
بعد الهنا
بعد ما كنا سوا
ليه يا حبي العظيم؟
ليه انطفى فيك الزمان؟
ليه اختفى فيك الأمان؟
خذاك الزمن مني


ســـــــــاري

ساري وصوت لك ابيك

النظره في عيوني تبيك

والرعشة في قلبي تبيك



شعوري ذا الليله غريب

كيف الحبيب يشكي حبيب

انا ملكتك وانا فقدتك

ليتني لما عرفتك ما تركتك



لما عيوني عانقوك

في غمضه وحده ضيعوك

اسال زماني والمكان

واجمع سواليف الحنان

انا ملكتك وانا فقدتك

ليتني لما عرفتك ما تركتك



قلبي وليلي به سرى

واللي جرالي ما جرى

امشي وادور في الوجوه

تايه عيونك توهوه

ســـــــــاري



من بادي الوقت

من بادي الوقت وهذا طبع الايام عذبات الايام ما تمدي لياليها

حلو الليالي توارى مثل الاحلام مخطور عني عجاج الوقت يخفيها

أسري مع الهاجس اللي ما بعد نام واصور الماضي لنفسي واسليها

أخالف العمر أراجع سالف أعوام وانوخ ركاب فكري عند داعيها

تدفا على جال ضوه بارد عظامي والمايسوق بمعاليقي ويرويها

الى صفالك زمانك عل ياظامي اشرب قبل لايحوس الطين صافيها

الوقت لو زان لك ياصاح مادم ياسرع ما تعترض دربك بلاويها

حتى وليفك ولو هيم بك هيام سيور الايام تجنح به عواديها



عوى الذيب

عوى الذيب ياساري ..
عوى ذيبها حذرا

يرد الظلام عواه ..
لضلوعه صياحي


ترى الليل قماري ..
وعقب القمر غدرا

ومن طاوله مسراه..
زهّب له .. سلاحي


أحد بالخفا .. داري ..
وأحد بالخفا.. يذرا

تشيل الدروب خطاه ..
والصبح .. فضاحي


طويلات .. وقصاري ..
ويمنى لها يسرى

يخاف القدم ماطاه؟
ماقام .. من طاحيد


عن العين .. متواري ..
توارى .. ورا غبرا

يبيه النظر وأخطاه
مالاح .. لواحي


على نهرنا الجاري ..
نوايا تبي مجرا ؟

مصبّه؟ .. سفى مبداه
في بحر .. الأملاحي


شمال؟ ..الهوى عاري
جنوب؟.. الرمل قمرا

متى ؟ الوسم ينثر ماه
بصخر ارض الأسياحي


اذا ماللصقر طاري
علا بالهوى غدرا

وصل السما وحماه
مخلاب .. وجناحي


هواجيسي .. أشعاري ..
ولا للشعر .. عذرا

كتبته .. لمن يقرااه
للصاحب .. الصاحي ...

[*A*&الغريب&*A*]

مادام قلبي لك شفوقٍ و ميلاف
وراك ياخلّي قليل المروفه
قل لي عسَى مابه على الخاطر خلاف
عسَى حبيبي ماقصر دون شوفه
لا .. لا تعسر القلب في كل محراف
واحذر يجي عقب الموده حسوفه
دوك الدموع بحاجر العين وقّاف
لا انت بماسحها ولاهي ذروفه
علقتها يامعلق القلب بإتلاف
ولخاطرك راحت حياتي كلوفه
لي قيل حبّي لك به جنون واسراف
قلت آه من يملك لقلبه نكوفه
عزّ الله انّي للمخاليق عيّاف
إلا انت ياللي هيمت بي طيوفه
الله كريم يبدّ الجور بانصاف
يجبر فؤادٍ موجعاته ظروفه
&&&&&&&&&&&&&&&&&&&&

طاحت الكذبه على كاذب سراب
والحقيقة مزعت ستر الحجاب
والرواسي مايحركها الهوا
والسّما ماضاق من طاير هباب
أرتفع عن ساقط الهزلة واشوم
والردي لو غرته دنياه خاب
والردّي يطيح بالدرب معثور
وخالص النيّه يسير ولايهاب
ولايشوّه وردتي نظرة حسود
ولايجرّح لحظتي تايه صواب
ولايزال الكون في عيني جميل
والزهر فـ ( أبها ) يندّيه الضباب
والنسيم اللي يفوح به الشذا
صبّح الوادي وقيّل بالهضاب
والسكون اللي يقدّمه المسا
للقلوب اللي بها خفقة عتاب
والنجوم اللي تراقص بالسما
سلوة السهران لَى طال الغياب
ياطيور أبها تغنّي واصدحي
حادي الأشواق موعود الجواب
ردّدي صوت المحبة والوفا
مع خريرٍ من جداولها العِذاب
كل نبته تزهر بوقتي عمُر
أسقي النبته وتسقيني شباب
الجميل يخلّي العالم جميل
لكن المشبوه يسعى بالخراب
نعمةٍ ربي عطاناها كرم
ليه نجحدها ونقلبها عذاب

&&&&&&&&&&&&&&&&&

يقابلني يهللي في سلامه
وإذا أقفيت يرميني كلامه
أعرفه لو تضاحك لي بسنّه
ظهر للخبث في عينه علامه
يبيّن لي من الظاهر موده
وفي قلبه بنَى بغضي خيامه
يدّور عثرتي في كل مسعَى
مناته لو يقوّمها قيامه
وقفت .. وقال : مايقدر وفاشل
وسعيت .. وقال : وش غاية مرامه
يأول كل فعل وكل كلمه
يسِنْ بها على الغافل حسامه
خذاك الله ياعين الخطيّه
وراها ماتشوف إلا الملامة
وراها ماتشوف الصبح يضحك
وليل الحب يسري بإبتسامه

&&&&&&&&&&&&&

ياقصيدة عمري اللي تكتبيني
كل يومٍ حرف من نغمة هواكِ
إرحميني بالهوى والاّ أذبحيني
لا تخليني معلّق في سماكِ
كل ماخذتي عمر منِّي عطيني
لحظةٍ من ساعةٍ داخل حماكِ
الحياة أشوفها والموت فيني
واعذاب الّلي بغاك ولا لقاكِ
يسهر الليل وقمر طيفك بعيني
والشعاع الصبح يوقظ بي رجاكِ
إن حدا حادي تولاّني حنيني
وإن عرض طيفك على طرفي بكاكِ
كيف هذا من هوى قلبي يجيني
يا أرق الناس قولي وش دهاكِ
لو تماديت بملامي سامحيني
كم تماديتي بذبحي من طغاكِ

&&&&&&&&&&&&&

هب نسناس الهوى لي من شمال
حاملٍ ريح الخزامى والنفل
من فياضٍ ظبيها يلعب دلال
لَى لمح ظلّه من النشوة جفل
يذبح العشاق صعّاب المنال
كم شطيرٍ بالقناصة قد قتل
مثل شمس العيد فضّاح الجمال
كل نجمٍ لَى ظهر نوره أفل
خصّني بمواجه السحر الحلال
وأشهد إن السحر في قلبي نزل
ضاريٍ بمقابل فحول الرجال
وإرتعش قلبي من الفتنه خجل
قلت راح العمر من دون الوصال
قال لو حاولت يالقاطع حصل
قلت لوني طامعٍ لو بالخيال
كان بدلّت التوجد بالأمل
ياندى الغيمة علَى ورد الجبال
ياعبير زهور ريضان السهل
إجتمع حسن الحيا بك والجلال
ماتبدّل بك مع العالم بدل


أجمل العشق

المهل ساعة عسى البسمة تدوم
ظامي للحب من يومك أصوم
بلّل القاع اليباس الميّته
إحيها من ديم هتّان الغيوم
أقرب أضمك بجنحان الهوى
أقرب أورّيك رقصات النجوم
وخلّني آلفّك بطيف الشعاع
فوق مزنٍ بالهوا دايم تحوم
ألمس بكفك مواجيع الهوى
واطرد من القلب وخزات الهموم
بيني وبينك من العشق اجمله
أطعمْ واشهى من طيوف الحلوم
استضافتنا الّليال العاشقة
اشعل الضيّان واصحى لا تنوم
لا تفوّت فرحة العمر القصير
الغثا متوفر في كل يوم

*************

[*A*&الغريب&*A*]

الهوى


ليه سمّوه الهوى يا أهل الهوى
أي معنى فيه من كلمة هوى
هو براد الصبح أو نسمة مسا
أو هو العاصوف بالصيف التوى
أو هو من الورد مرسول الشّذا
أو هو الّلي لو لمس وردٍ ذوى
أو هو الّلي رد تغريد الطيور
أو هو الّلجلاج من ذيبٍ عوى
أو هو الّلي يصعد بعالي السما
أو هو الّلي من سما العالم هوى
أو هو الّلي دل من قلبه فطين
أو هو الّلي كل قلبٍ به غوى
أو هو الّلي ماله ألوان وشكل
أو هو الّلي من جميع أمرٍ حوى
خبّروني يا خبيرين الهوى
الهوى صدق أو كلامٍ في الهوا





الجرحين

أنا فيني من الأيام جرحينٍ على الخفّاق
من الأقصين جرحْ وجرحْ من ربعي الادنيني

أقوم بجرح لكن ثاني الجرحين ساق وعاق
مشى سمّه مع عرقي ويَبْسَت منه كفيني

يولّعني وهج ناره وفي فكري كما البرّاق
عواصيف تودّعني وعاصوفِ يلاقيني

مثل ريشه نقلها ريح مع شوكٍ وفي مضياق
يمزّع شوكها جنبي وبالرّجلين يدمني

ألمها جضّ به قلبي ودخّن بالصّدر حرّاق
تفجّر كنه البركان في سمعي وفي عيني

يعاقبني زماني يوم صدري بالعنا ما ضاق
أشيل الحمل ما تعبت من الوعرات رجليني

أعْرَف أنه قدر عمري واعْرَف أن الزمن سرّاق
وهذا ما كتبه الله وأنا المكتوب يرضيني


مــــرتاح احبـــك
مــــرتاح احبـــك ولا عـلـمـت
حــــتى انت عيــــت ابين لك

البـــــارحه يــوم انــا سـلـمت
شـكيـــت لو عـــيني تـــدلك

بــرق لمع بالعيـــون وخــفـت
مــــواجع القــلــب تــوصل لك

عســــاك في ناظري ماشفت
كيــــف المعـــــاليق يومن لك

من خوفتي لاحـتــرق كـــذبت
هـــربت من شمــسك لظــــلك

اخـــشى عليك الهـوى لاطحت
ومـــــــا تلنـــي يمك يتــــلك

ابــي قليــــلك ولاحـــــصــلت
بــعضـــــك تركنــي مع كلك

مدري صــــواب او خطا ماقلت
انــــك حـبـيـبـي وانــــا خلك

[حلم المساء]

أخي العزيز / الغريب

أشكرك على بديع اختيارك

وروعة نقلك

فبحق أنت جميل في كل شيء

واسمح لي أخي الحبيب

بنقلها لمنتدى الأدب الشعبي

وتقبل وافر تحياتي واحترامي

[العين الثالثه]

إختيارات جميله لساحر الكلمة والريشه
وفقك الله

[بنت المساء]

[B]الله الله الله شي رائع جدا000000000

مساء الخير بعيونك ولعيونك مساء الخير
يا أصعب حب بالدنيا تكوَن في مداراتي
وربي فيك اتمنى اصوَر فرحتي تصوير
لاخلي كل ذره بداخلي تهدي تحيااتي
ألا ياليت الغلا يقدر يهز الشوق والتفسير
لعله بس لويقدر يوصف لك طموحااتي 0
0اتمني لك مزيد من التقدم ورقي والله يوفقك وشكرا علي القصائد الرائعة التي تبين ذوقك 000000[/]

[*A*&الغريب&*A*]

أخي حلم المساء

شكراً لك على مرورك العذب والرائع

وأنا شاكر لك جهودك التي تبدلها من أجل الرقي بهذا المنتدى

فتقبل شكري وتحياتي

[*A*&الغريب&*A*]

أخي العين الثالثة

شكراً لك على مرورك الجميل ووفقك الله
فتقبل شكري وتحياتي

[*A*&الغريب&*A*]

أختي بنت المساء

الرائع هو ردك الجميل

وهذا إن ذل ذل على دوقك أنتي

فتقبلي شكري وتحياتي